काठमाडौं – नेकपा एमालेले आज चुनावी घोषणा पत्र सार्वजनिक गर्दैछ । एमाले अध्यक्ष केपी शर्मा ओली तथा पार्टीका पदाधिकारीले काठमाडौँबाट घोषणापत्र सार्वजनिक गर्ने तालिका छ ।

घोषणापत्रमा एमालेले समृद्ध नेपाल निर्माण, सुशासन, रोजगारी सिर्जना, सामाजिक न्याय तथा संस्थागत सुधारलाई प्रमुख मुद्दा बनाएको एक नेताले बताए ।

मुलुकमा स्थिरता, विकास र सुशासन कायम गर्न नयाँ सत्ता समीकरण आवश्यक रहेको एमालेको निष्कर्ष छ । चुनावी घोषणापत्रमार्फत बहुमत आउने गरी निर्वाचनमा होमिएको एमालेले जनाएको छ । बुधबार नेपाली काँग्रेसले जनकपुरबाट प्रतिज्ञा पत्र सार्वजनिक गरेको छ भने आजै रास्वपाले सुर्खेतबाट आफ्नो प्रतिबद्धता पत्र सार्वजनिक गर्ने कार्यक्रम राखेको छ ।