काठमाडौं – निर्वाचन आयोगले दिएको समयसीमा अनुसार दलहरूले सोमबारदेखि चुनावी प्रचार प्रसार सुरु गरेका छन् । यही क्रममा पूर्वमन्त्री कुलमान घिसिङले पनि आफ्नो चुनावी प्रचार तीव्र पारेका छन् । घिसिङले काठमाडौँ ३ का विभिन्न क्षेत्रहरुमा समुह बनाएर भोट मागिरहेका छन ।

उज्यालो नेपाल पार्टीका अध्यक्ष समेत रहेका घिसिङले काठमाडौँ ३ बाट उम्मेदवारी दिएका छन् । उनी यतिवेला घरदैलो कार्यक्रममा व्यस्त छन् ।

२१ फागुनको प्रतिनिधिसभा निर्वाचनका लागि आयोगले ४ देखि १८ फागुनसम्म चुनाव प्रचारप्रसार गर्न समय तोकेको छ ।

काठमाडौं ३ मा नेपाली काँग्रेसबाट रमेश अर्याल, नेकपा एमालेबाट रामेश्वर फुय्याल, रास्वपाबाट राजुनाथ पाण्डे, नेपाली कम्प्युनिष्ट पार्टिबाट निरज लामा सहित २२ जनाले उम्मेदवारी दिएका छन ।

आसन्न निर्वाचनमा कुल तीन हजार ४०६ जना उम्मेदवार प्रतिस्पर्धाको मैदानमा छन् । आयोगले उम्मेदवारहरूलाई चुनाव प्रचारका लागि बिहान ७ देखि साँझ ७ बजेसम्मको समयसीमा तोकेको छ ।